3. fundur - Fundargerð

3.fundur 08.02 2010.

Fundur með Valdimar og Lilju.

Fundinn sátu auk þeirra:

Daníel,Þórlindur,Petra,Grétar og Guðrún.

2. fundur - Fundargerð

2.fundur 30.01 2010.

Fundur þar sem Björn Grétar Sveinsson og Hannes Sigmarsson komu og gerðu grein fyrir læknamálinu og stöðu þess.

Fundinn sátu auk þeirra:

Daníel ,Þórlindur,Kristjana,Grétar og Guðrún.

1. fundur - Fundargerð

1.fundur nýstofnaðra íbúasamtaka á Eskifirði haldinn 25.01 2010 í Grunnskólanum á Eskifirði.

1.mál:

Nýkjörin stjórn skipti með sér verkum þannig:

Formaður:

Daníel Arason.

Varaformaður:

Grétar Rögnvarsson.

Gjaldkeri:

Petra Vignisdóttir.

Meðstjórnandi:

Þórlindur Magnússon.

Sett verður upp bloggsíða þar sem félagar geti haft samskipti sín á milli.

Félagsgjald ákveðið kr.500 ,ekki er búið að ákveða hvernig það verður innheimt.

Talið best að kynna félagið með dreifibréfi e.t.v í tengslum við dreifingu Dagskrárinnar.

Fréttabréf gefið út tvisvar á ári.

Félagið sendi bæjarráði bréf ef félagið hefur eitthvað fram að færa.

Talað um gamla skólann og verndun hans,rætt nánar á bloggsíðu.

Rætt um ástandið í læknamálum en það er allsendis óviðunandi, lagt til að samband verði haft við íbúasamtök á Fáskrúðsfirði og Reyðarfirði og komið með sameiginlega ályktun þessara samtaka um málið.

Lilja (Aðalsteinsdóttir) og Valdimar (Hermannsson) hafa óskað eftir fundi með samtökunum nú mjög fljótlega,ekki búið að ákveða dag.

Rætt um umferðarmenninguna í bænum.

Fundargerðir

Hún Guðrún Jónsdóttir tók sig til um daginn og pikkaði inn fundargerðir Íbúasamtakanna og þær koma svo hér í næstu póstum í réttri röð. Meiningin er að setja fundargerðirnar á bloggsíðuna framvegis.

Fyrirspurn til bæjarráðs vegna læknamála í Fjarðabyggð

Stjórn Íbúasamtakanna hefur beint fyrirspurn til bæjarráðs vegna ástands í læknamálum í Fjarðabyggð. Fyrirspurninni var beint til bæjarráðs þegar fyrir lá stórfelldur niðurskurður í heilbrigðisþjónustu í Fjarðabyggð og fréttir bárust af lokun heilsugæslunnar á Eskifirði.
Íbúasamtökin stungu upp á að sú leið yrði farin að Fjarðabyggð og hin stærri fyrirtæki bæjarfélagsins (t.d. Alcoa, Síldarvinnslan, Loðnuvinnslan og jafnvel fleiri) sameinuðust um að ráða lækni eða lækna í vinnu, því að við sjáum ekkert því til fyrirstöðu að Fjarðabyggð geti haft lækni/a á launaskrá.

Svar bæjarráðs verður birt hér á síðunni um leið og það berst en ef íbúar hafa áhuga á að ræða þessi mál hér er kommentakerfið opið.

Fyrirspurn til bæjarráðs vegna Veraldarvina

Stjórn Íbúasamtakanna hefur rætt málefni Veraldarvina og veru þeirra hér í bæ. Almenn ánægja er meðal stjórnarmanna með störf og framgöngu þessara ungmenna sem eru hér en tvö atriði höfum við viljað fræðast ögn betur um.
Í fyrsta lagi aðbúnað fólksins, sem hefur búið í gamla barnaskólanum. Það hús þótti ekki í ástandi til að hýsa félagsmiðstöðu unglinga á Eskifirði og hafa stjórnarmenn t.d. rætt að eldhætta gæti skapast og að þessi híbýli væru kannski ekki alveg það heppilegasta fyrir Veraldarvinina.
Hitt málið er kostnaður Fjarðabygðar (ef einhver væri) af veru fólksins á Eskifirði. Við beindum því fyrirspurn um það til bæjarráðs.

Fyrirspurnin er svohljóðandi:

"Stjórnin óskar eftir upplýsingum vegna búsetu Veraldarvina í gamla skólanum á Eskifirði, ekki síst með tilliti til þess að þarna býr fólk i húsi þar sem ekki þótti lengur ráðlegt að vera með félagsmiðstöð í. Stjórnin vekur athygli á því að þarna er verið að elda mat og að varað hefur verið við eldhættu í húsinu. Einnig óskar stjórnin eftir upplýsingum um kostnað Fjarðabyggðar vegna vinnu Veraldarvina í bænum."

Bæjarráð vísaði fyrirspurninni til mannvirkjastjóra sem svaraði henni skilmerkilega og má sjá minnisblað hans hér:

http://fjardabyggd.is/media/PDF/Fyrirspurn_ibuasamtaka_Eskifjardar__minnisblad_mannvirkjastjora.pdf

en erfitt er að birta minnisblaðið hér á bloggsíðunni vegna myndanna.

Stjórnin fagnar skilmerkilegum svörum mannvirkjastjóra en einhvers misskilnings virðist gæta hjá honum í niðurlagsorðum minnisblaðsins, því ekki er það ætlun stjórnarinnar að amast við veru Veraldarvina í bænum hafi það lítinn sem engann kostnað í för með sér, og einnig er stjórn samtakanna annt um öryggi fólksins og hússins sem það býr í.
Þá áteljum við okkur einnig rétt til að beina fyrirspurnum til starfsmanna bæjarfélagsins um hvert það mál sem við teljum okkur varða og það ætti að vera ljúf skylda starfsmanna að svara kjörnum fulltrúum íbúanna.

Fyrirspurn til bæjarráðs vegna hins svk. "Edduborgarreits"

Stjórn Íbúasamtakanna beindi nýverið fyrirspurn til bæjarráðs varðandi framkvæmdir á hinum svokallaða "Edduborgarreit" í miðbæ Eskifjarðar. Stjórn Íbúasamtakanna er á þeirri skoðun að þessu svæði beri að breyta í miðbæjar- og útivistarsvæði fyrir Eskfirðinga, setja þar upp svið sem nýta megi á hátíðisdögum, planta trjám og öðrum gróði, leggja göngustíga og setja upp bekki og borð og þarna gætu Eskfirðingar notið lífsins saman á góðviðrisdögum.
Ef Eskfirðingar hafa almennar athugasemdir við þessa afstöðu stjórnar þá er bara að koma henni á framfæri hér í athugasemdum eða í tölvupósti á ibuasamtoesk@gmail.com

Eftir að þetta svar barst kom í ljós að Eskja hafði fallið frá því að koma að rifunum og mun Fjarðabyggð alfarið sjá um þau.

Fyrirspurnina og svar bæjarráðs fylgir hér:

Hver er staðan á framkvæmdum við hinn svokallaða Edduborgarreit á Eskifirði? (Sem þarf reyndar að fara að finna annað betra nafn fyrir). Hafa einhverjar ákvarðanir verið teknar hvenær ráðist verður í niðurrif húsa á svæðinu ?

Stjórn Íbúasamtaka gerir að tillögu sinni að svæðið verði skipulagt sem útivistar og miðbæjarsvæði, komið verði upp útisviði þannig að hægt verði að vera með skemmtiatriði þar á hátíðisdögum. Einnig verði settir upp bekkir og borð, plantað trjám og fleira mætti gera. Stjórnin lýsir yfir vilja til að vera í forsvari fyrir þessar framkvæmdir verði þær að veruleika.

Svar bæjarráðs:

Fjarðabyggð eignaðist húsnæðið á svokölluðum Edduborgarreit 19. nóvember sl. með þinglýsingu á afsali þess efnis, en fram að því hafði Frjálsi fjárfestingarbankinn átt húsnæðið. Þegar afsal lá fyrir var sótt um starfsleyfi til HAUST og framkvæmdarleyfi til byggingarfulltrúa til að rífa húsnæðið og ganga frá lóðinni til bráðabirgða. Öll leyfi lágu fyrir 30. nóvember og var hafist við að rífa húsnæðið þann dag.

Verkefnið er unnið í nánu samstarfi Fjarðabyggðar og Eskju, en Eskja hafði áður boðist til að kosta niðurrif húsnæðisins. Gert er ráð fyrir að verkið klárist fyrir lok janúar 2011, en þó helst fyrr.

Undirritaður mun leggja fram tillögu á næsta fundi eigna-, skipulags- og umhverfisnefndar þess efnis að farið verði í gerð deiliskipulags fyrir svæðið. Verður þá lagt til að tillaga íbúasamtakanna verði skoðuð ásamt því að skoðaðir verði allir möguleikar með nýtingu svæðisins. Vilji íbúasamtakanna til samstarfs um verkefnið er frábær og mun undirritaður leitast efir sem mestu samstarfi um verkefnið. Einnig vil ég vekja athygli aftur á framtaki Eskju í þessu máli en ljóst er að bæjarsjóður væri í vandræðum með að fjármagna rifin.